Компанијата „Даути комерц” вчера отвори нов дистрибутивен центар во Подгорица, Црна Гора, инвестиција вредна вредна 3,5 милиони евра
Со новата инвестиција, „Даути комерц” по 14 години работа на црногорскиот пазар, го заокружува своето присуство со сопствен стопански објект, преку кој ќе се третира увезената стока од Македонија, Србија, ЕУ, Азија и Јужна Америка.
На свеченото отворање на третата инвестиција на македонската компанија во регионот, по веќе реализираните во Косово и во Албанија, присуствуваа голем број стопанственици, истакнати бизнисмени од регионот.
Претседателот на Стопанската комора на Македонија Бранко Азески, кој со тим соработници беше присутен на свеченото отворање ја поздрави ја одлуката на „Даути комерц” за проширување на бизнис-активностите во регионални рамки, со кои во текот на 25 години компанијата прерасна во препознатлив регионален бренд.
За разлика од индустриските капацитети каде инвестициите и вложувањата се мерат првенствено во финансиски показатели, „Даути комерц” го потврдува успехот со исклучително професионалниот начин на продажба и пласирање на производите на пазарот, со развиени најнови технологии во сите свои претставништва и со навремени одлуки за инвeстиции, кои го подобруваат процесот на увоз и дистрибуција на стока до крајните потрошувачи. На тој начин, компанијата успева да обезбеди доминантна позиција на производите и брендовите што ги застапува на пазарите, на кои е присутна, истакна Азески.
„Даути комерц”, која освен увоз работи и извоз, досега има вложено 25 милиони евра во различни форми на стопански објекти. Компанијата континуирано вложува во нови кадри и вработувања, возен парк, шпедитерски услуги итн.
(InStore.mk)
