Многу луѓе сонуваат да ја напуштат секојдневната работа, да станат сам свој шеф и да почнат да прават милиони како што сме навикнати да гледаме на ТВ. Но, постои огромна разлика помеѓу тие што сонуваат да станат милионери и тие што стануваат милионери. И сето тоа лежи во начинот на размислување.
Да се развие такво размислување на милионер значи целосно да го проширите начинот на кој мислите. Почнете со тоа што ќе поработите на овие шест атрибути.
1. Имајте визија
Ако сакате да станете милионер некогаш во животот или барем сакате да имате бизнис кој ќе заработува многу добро, мора на време да утврдите што точно сакате да постигнете. Многу претприемачи ќе ви кажат дека успесите и падовите со кои ќе се соочите кога влегувате во бизнис светот нема да се однесуваат на парите, туку до каде парите добиени од бизнисот можат да ве однесат.
Зошто сакате да станете милионер? Мора да си одговорите на ова „зошто“ за да ве поттикнува одговорот да продолжите понатаму дури и кога мислите дека се е против вас. Какво влијание сакате да имате и кој е позитивниот траг кој ќе го оставите на светот откако ќе го изградите вашиот бизнис? Секој голем претприемач има голема визија и знае точно каде се движи и зошто токму во таа насока.
2. Сакајте го тоа што го правите
Кога сте едноставно заљубени во тоа што го правите, тогаш нема да се чувствувате како да сте на работа. Кога е таква ситуацијата, тогаш секогаш ќе давате повеќе и повеќе и парите нема да запираат. Дури и ако моментално градите кариера за која и не сте толку „луди“, доволно е да ја промените перспективата и начинот на кој размислувате за да ви тргнат нештата кон подобро.
3. Бидете фокусирани на решенија
Бидете јасни за тоа на каков проблем ќе понудите решение. Да се биде фокусиран на решенија значи да гледате решенија таму каде што сите други. Кога ќе наидете на тешкотии и кога сите останати од тимот ќе почнат да се откажуваат, вие мора да верувате дека ќе се најде решение без разлика колку е голем проблемот или предизвикот.
Со тоа што ќе се фокусирате на решенија вие ќе успеете да го одржите позитивното размислување и нема да дозволите предизвикувачките ситуации да ве демотивираат. Но, мора да бидете свесни дека колку поуспешен претприемач станувате, толку ќе бидат поголеми одговорностите и проблемите. Сепак, гледајте на нив како предизвици во кои ќе се докажете.
4. Унапредувајте ги лидерските вештини
Со тоа што ќе се фокусирате на вашите лидерски вештини нештата во бизнисот но и во животот драматично ќе ви се променат. Исто така, колку повеќе ги унапредувате лидерските вештини, толку повеќе ќе привлекувате луѓе кои размислуваат на истиот начин во вашиот бизнис.
Вие како лидер исто така сте фактор за раст на вашиот бизнис, па така, колку повеќе растете како лидер, толку повеќе ќе се развива и бизнисот.
5. Бидете ориентирани кон раст
Милионерите сопственици на бизнис постојано работат на личен и професионален раст и развој. Можеби на почетокот би требало да си најдете советник, односно некој со искуство во претприемништвото и бизнисот, бидејќи тој ќе ви понуди друга перспектива на нештата.
Исто така, бидете подготвени да учите. Верувајте им на советите на тие што ќе ве советуваат, слушајте ги повратните информации кои ќе ги добивате и учете и читајте постојано.
6. Однесувајте се како милионер пред да станете милионер
Многу е погрешно размислувањето дека сопственици на бизнис постојано работат за нова кола, нов стан, патувања, нови клиенти итн. за да можат еден ден да станат милионери. Но, во суштина, прво треба да почнете да размислувате како милионер, пред да стигнете до првиот милион.
Вистинските лидери и милионери не делуваат за да поседуваат нешто, туку за да станат некој.
