Стоби ја направи првата апликација – аудиоводич за археолошки локалитет во Македонија

НУ Стоби го изработи првиот аудиоводич за археолошки локалитет во Република Македонија.

Како што објавија од управата, издавањето на аудиоводичот е со цел да се олесни и да се збогати искуството на посетителите при прошетката во античкиот град Стоби.

Аудиоводичот е достапен преку мобилната апликација Stobi Audio Guide, која е специјално изработена за оваа намена и може да се преземе бесплатно од Apple Store или Google Play Store. Посетителите на локалитетот ќе можат преку скенирање на QR код да пристапат до сервисите од каде што ќе може да се преземе апликацијата.

Апликацијата – аудиоводич може да се користи на македонски и англиски јазик.