Фонд за иновации и технолошки развој најави работилница за акцелератори насловена како „Основи и практични искуства во формирање и управување со акцелератори“. Работилницата ќе се одржи со оперативниот советник на Фондот за иновации, д-р Питер Моѓуроши.
Одржувањето на оваа работилница е во склоп на тековниот јавен повик на Фондот за формирање на бизнис акцелератори за млади кој е отворен до 27 јули годинава.
Работилницата ќе се одржи на 18 јули 2018 година (среда) од 9:00 до 11:00 часот во просториите на Контакт центарот на ФИТР на ул. Димитрие Чуповски бр.8 (Рекорд).
По завршувањето учесниците ќе имаат можност за краток индивидуален состанок со консултантот. За закажување, заинтересираните ќе треба да испратат име и телефон за контакт на info@fitr.mk најдоцна до 17 јули.
