Во рамки на ЕУ проектот ИноПлатформа, Центарот за управување со знаење организира информативен ден наменет за менаџерите на малите и средни претпријатија одговорни за развој на нови производи и услуги, консултантите, како и претставници на организациите кои ја поддржуваат конкурентноста на претпријатијата (акцелератори, инкубатори, стопански комори).
Целта на работилницата е тројна:
- да ја подигне свеста за потребата од иновации кај малите и средни претпријатија во Македонија,
- да ги презентира профилите на иноватори во земјата и во регионот, нивните практики и перформанси, – наоди добиени од истражувањето спроведено во рамки на проектот ИнноПлатформа,
- да ги зајакне знаењето и вештините на сопствениците и менаџерите, и консултантите за успешно воведување на иновации во претпријатијата преку користењето на пет ИноАлатки развиени во рамки на проектот: ИноМодел, ИноСтратегија, ИноПартнери, ИноФинансии и ИноПроект.
Првата работилницата ќе се оддржи во просториите на ЕУ Инфо Центарот во Скопје, на 24 ти септември. Вашето учество можете да го регистрирате на следниот ЛИНК.
Работилницата ќе опфати 25 учесници, но во исто време ќе биде и емитувана во живо на Јутуб каналот на проектот Инноплатформа.
ИноПлатформа е проект ко-финансиран од ЕУ во рамки на Транснационалната програма Interreg BalkanMed Programme. Проектот се спроведува од 2017-та до 2019-та година од страна на конзортсиум од 6 проектни партнери од 5 земји на Балканско медитеранската област.
Лидер на проектот е Центарот за Управување со Знаење, истражувачки центар формиран во 2008-ма година, со цел да ги зајакне и подобри процесите на управување со знаење во сите општествени области во земјата и регионот. Центарот покрива широка палета на активности која се спроведува во соработка со граѓанскиот сектор, државните институции и деловната заедница. Визијата на Центарот е да прерасне во активен учесник во институционалниот и економскиот развој на земјата и регионот.
