НАСА го објави првото 8K ултра HD видео од вселената

Само мал број луѓе досега имаа прилика да појдат во вселената, а и во иднина тој број нема да биде голем. За сите луѓе за кои патувањето во вселената ќе остане само сон американската вселенска агенција НАСА на некој начин понуди алтернатива.

НАСА го објави првото 8K ултра HD видео снимено од Меѓународната вселенска станица на кое се гледа ураган, Месечината, па и некои научни експерименти во сосема ново светло. Видеото е снимено со камерата Нelium 8K.

„Ова видео го покажува летањето во вселената со повеќе детали од кога било. Технологијата за камерите продолжува да напредува, а секако е добро да се види нашата планета на ваков начин“ велат од НАСА.