Со помош на слики добиени од сателитот Sentinel 5P, Descartes Labs направи фасцинантен приказ на Земјата на кој светлите точки на глобусот ја оцртуваат мапата на човечкото населување и индустријата. Сребрените линии претставуваат емизија на азод диоксид, гас кој се добива со согорување и придонесува за кисели дождови и создавање на магла. Азот диоксидот е штетен и за човекот затоа што може да предизвика едеми на Sградниот кош, па дури и смрт со гушење.
Иако постојат природни извори на азот диоксид, најмногу со своето делување го создаваат луѓето, тврди американската Агенција за заштита на околината. Автомобилите , камионите, електраните, фабриките, па дури и градежната опрема, сето тоа испушта азот диоксид во атмосферата. Мапата на Descartes Labs покажува „каде гори“ на Земјата.
A global composite view of NO₂ burned in August and September of 2018 created using #data from @esa @Sentinel5p ?#nitrogendioxide #emissions #airpollution #airquality #earthobservation #sentinel5p pic.twitter.com/479z0lrp0J
— Descartes Labs (@DescartesLabs) February 16, 2019
Податоците се добиени од сателитот Sentinel 5P, кој беше лансиран во 2017 година со задача да ги следи промените во атмосферата. Тој е дел од семејството сателити кои ги испрати Европската вселенска агенција, а служат за научно набљудување на Земјата. Другите сателити следат што се случува со вегетацијата, температурата и антарктичкиот лед.
Таа мапа е една верзија на серијата слики кои ги објави Descartes Labs. За да ги направат, истражувачите создаоа композит од одделни слики кои сателитот Sentinel 5P ги анправи во текот на август и септември 2018 година. Облачните денови и сликите со низок квалитет се филтрирани за да се генерира мапа со просечната количина азот диоксид во најнискиот дел од земјината атмосфера кој било ден во текот на тие два месеци.
