Не мора повеќе да инсталирате, „Скајп“ доби веб верзија

Популарната Мајкрософт програма доби своја веб верзија. Корисниците на „Хром“ и „Еџ“ веќе не мора да инсталираат „Скајп“ за да можат да се допишуваат и повикуваат.

Транзицијата е збогатена со уште неколку опции – известување во случај кога учесник е спомнат или цитиран во преписката, како и опцијата за пребарување низ разговорите.

Налик на мобилните апликации како што се „Ватсап“ и „Вајбер“, така и „Скајп“ сега ќе има галерија за секој контакт или група, каде ќе може да се сочувуваат фотографии или видеа споделени во текот на разговорот.

Веб-опцијата е достапна на уредите со „Виндоус 10“ или „МекОС“ од 10.12 па до најновите верзии.

Засега нема поддршка од „Фајрфокс“, „Сафари“ и „Опера“.