Десет иновации кои ја спасуваат нашата планета

Ви претставуваме десет иновации кои на човештвото му помагаат да ја спаси животната средина.

1. Seabin– оваа корпа самата го собира отпадот од морињата и океаните. Корпата во неа има пумпа која создава проток на вода и го повлекува отпадот внатре. Внатре во корпата има посебна кеса која ја пропушта водата назад, а го задржува само отпадот.
   
2. DB Exports – оваа машина ги претвора пивските шишиња во вештачки песок. Од секое шише се добиваат по 20 грама песок и помага да се зачуваат плажите.
   
3. SaltWater Brewery – оваа компанија создаде посебна амбалажа за лименки пиво, која морските животни може да ја јадат и всушност, е хранлива за нив. Амбалажата е направена од јачмен и од пченица со цел да не ги доведува во опасност морските животни.
   
4. Air Ink – компанијата Graviky Labs создаде мастило од загадувањето од воздухот. Поточно, отровните саѓи кои се наоѓаат во издувните гасови од автомобилите ги заловуваат и од нив прават високовалитетно црно мастило.
   
5. Skipping Rocks Lab – оваа лабораторија направи балони наполнети со вода кои може да се јадат. Значи, наместо да купувате пластично шише со вода и да ја загадувате околината, можете да купите балони со вода и да изедете неколку за да ја изгаснете жедта. Балоните се направени од екстракти од морска трева.
   
6. The Ocean Cleanup – овој проект создаден од џиновски цевки има за цел да го исчисти Тихиот Океан од пластичниот отпад. Цевките се прицврстени за дното на океанот, а се движат под влијание на брановите и ја ловат пластиката. Пластиката се собира во средината и потоа посебни бродови ја собираат.
   
7. Avani – биоразградливите кеси на Avani го штитат морскиот свет и го намалуваат загадувањето во океаните. Тие се направени од корен од касава и природен скроб. Значи, безбедни се да ги изедат животните.
   
8. Alfra SPK – е машина која рециклира гуми. Гумите ги претвора во гумени трошки кои потоа се користат за вештачка трева.
   
9. Универзитетот Пердју создаде посебен систем за одгледување на растенија. Аквапоника е комбинација од одгледување риби и хидропоника. Како што растат рибите и се хранат, тие испуштаат отпад во водата. Таа отпадна вода потоа се користи за ѓубрење и одгледување на растенија.
   
10. HomeBiogas 2.0 – е машина која отпадоците од храна ги претвора во биогас, кој потоа се користи за готвење. Системот е така направен за гасот да дојде директно до шпоретот во кујна. Системот собира до 6 литри отпад и во него може да се фрла речиси се. Исто така, системот може да создава и ѓубриво за растенија.