Компанијата Adriatic Marinas од Тиват на пазарот го претстави комплексот Boka Place, нов дел од луксузната тиватска наутичко-туристичка населба Porto Montenegro, а странците со купување на стан или деловен простор таму на подарок ќе добијат црногорско државјанство.
Изградбата на комплексот ќе почне на крајот на годинава, а цената на становите се движи од 190.000 до 347.000 евра, додека цените за трисобните пентхаус луксузни апартмани не се објавени во брошурата и може да ги дознаат само заинтересираните клиенти.
Минималната инвестиција за добивање црногорско државјанство е 450.000 евра. Според весникот Vijesti, станува збор за доделување државјанство со цел реализација на програма за инвестирање од посебно значење за стопанството и за економијата на Црна Гора. Тоа меѓу странските инвеститори во Црна Гора е познато како CBI (Citizenship by Investment).
Можност за купување недвижност во Црна Гора имаат сите странци кои исполнуваат однапред дефинирана обврска кон државата. На понуда моментално се 144 станбени единици.
(Bizlife, Vijesti)
(фото: )
