Извори блиски до хардверскиот тим на „Facebook“ за порталот „The Information“ откриваат дека компанијата на Цукерберг уште еднаш планира да се занимава со производство и продажба на хардвер.
Досега само во одредена мерка успеаја со аквизицијата во форма на „Oculus“, додека другите производи како што е паметниот екран „Portal“ или некогаш долго планираниот смартфон никогаш не доживеале комерцијален успех.
Паметниот часовник на „Facebook“ не е толку изненадувачки колку што оваа компанија имаше намера да го преземе производителот на спортски уреди на „Fitbit“, пред да биде купен од „Google“.
Сега тие планираат да создадат сопствен производ на „Facebook“, наводно базиран на „Android“, и тој треба да може да се поврзе со мобилните мрежи. Значи, овој паметен часовник ќе има можност да остварува повици и да се поврзе на Интернет. Сепак, „Facebook“ паралелно работи и на својот оперативен систем, па паметниот часовник би можел да дојде и со нивниот, целосно независен, оперативен систем.
Основните функции би се фокусирале на употребата на „Facebook“ и неговите други услуги како што е „Messenger“, и на апликациите што се грижат за здравјето на корисниците и ја следат физичката активност.
Извор – www.denar.mk
