По успешно завршени четири програми, во кои активно учествуваа 30 стартапи, Сеавус Акцелераторот го отвора петтиот повик за менторска и финансиска помош на стартапи.
Сеавус Акцелераторот во соработка со еден од најдобрите европски акцелератори, Startup Wise Guys и со водечкиот инкубатор и акцелератор Spring Activator со седиште во Канада, креираа програма дизајнирана да ги зајакне внатрешните капацитети на претприемачите во рана фаза и да им помогне да ги скалираат своите бизниси на глобалниот пазар.
Поддржана од Академијата за претприемништво на Европскиот фонд за Југоисточна Европа (EFSE) и ЕУ, програмата Tech Boost се состои од две фази, пред-акцелераторска и акцелераторска фаза. Стартапите кои што ќе влезат во пред-акцелераторската програма и ќе продолжат во акцелераторската програма имаат можност да освојат награда од 15.000 евра. Дополнително овие стартапи ќе имаат можност да се претстават пред инвестицискио одбор на Сеавус Акцелераторот со тоа и да добијат инвестиција од најмалку 30.000 евра и секако пред странски инвеститори и да обезбедат многу поголеми инвестициски фондови за нивните бизниси.
Што добиваат македонските стартапи со влегување во една ваква акцелераторска програма?
- Пристап до 8-неделна програма на онлајн платформата на Startup Wise Guys
- Учество во серија работилници на најразлични теми за скалирање на својот бизнис
- Интензивна индивидуална менторска поддршка од локални и меѓународни ментори
- Индивидуални сесии со тимот на Сеавус Акцелераторот, Startup Wise Guys и Spring activators
- Групни сесии со стартапи од македонија и регинот со фокус на размена на знаења и искуства.
- Учество и претсавување на инетрнационална конференција
- Демо ден на кој стартапите ќе се претсават пред домашни и интернационални инвеститори
- Можност за влез во програмите на SWG и Spring Activator
- Награда за најдобриот регинален стартап до 15.000 евра
- Можност за инвестиција од Сеавус Акцелераторот од најмалку 30.000 евра
- Пристап до СЕДЦ таленти кои завршиле на нашите академии
И секако, како и секоја година, подржувачи на оваа програма се SwissEP кои даваат дополнителна вредност на програмата со вклучување на нивни ментори.
Апликацијата е отворена до 17ти Октомври
Дополнителни информации во однос на програмата може да добиете од координаторот на Сеавус Акцелераторот, Ангела Митриновска на angela.mitrinovska@seavus.com / accelerator@seavus.com или на телефонскиот број 076405059.
