Mercedes-Benz го најавува следниот голем чекор во електро-офанзивата. Во новоотворената фабрика во Алабама ќе се произведуваат батериите за EQS SUV, што светот прво го виде како Concept Mercedes-Maybach EQS.
Можеби вестите говорат различно, но светот напредува во ерата на електромобилноста. Mercedes-Benz е еден од главните „возачи“ на погонот на струја. Во САД ќе се гради фабрика за батерии за новиот EQS. По SL Roadster, CLA и CLA Shooting Brake, GLC Coupe, знаменосецот во понудата од теренци е следното дело на македонскиот дизајнер во Mercedes-Benz, Славче Таневски.
Неколку месеци пред да започне производството на новите електрични модели на подмарката Mercedes-EQ во САД, од марката со ѕвездата доаѓа вест за отворањето на фабриката за батерии во областа Биб, во Алабама, САД. Со овој важен чекор, Mercedes ќе постигне неговите електрични автомобили да се произведуваат на три континенти.
Постои еден фактор што целава приказна ја поврзува со Македонија. Секако дека тоа е Славче Таневски, Македонец кој подолго од десет години е дел од дизајнерскиот тим на Mercedes-Benz во Штутгарт. Во последниве години, Таневски постигна голем напредок во тимот, па дури и лично го претстави „својот“ CLA Shooting Brake, на салонот во Франкфурт, на бина заедно со тогашниот шеф Дитер Цече. Лани следеше премиера на Concept Mercedes-Maybach EQS на салонот ИАА во Минхен, а потоа и премиера на Mercedes-AMG SL Roadster, што е чест за секој дизајнер.
Целиот текст може да го прочитате на automedia.mk
