Плановите на TikTok се многу поголеми од самата социјална мрежа. Кинеската компанија го шири својот бизнис и на стримување музика и стартуваат некоја верзија на Twitteru, а според последните гласини,планираат да стартуваат и платформа за интернет трговија преку која на Американците ќе им продаваат кинески производи. TikTok сака да им конкурира и на двете најголеми кинески компании на овој пазар (Shein и Temu), кои се фокусирани на мода и евтини производи.
Од TikTok не сакаат да ги коментираат овие информации, но ако им веруваме на изворите на Wall Street Journal, не мора да чекаме долго за потврда затоа што новата платформа веројатно ќе ја стартуваат идниот месец. Таа ќе биде интегрирана во самата апликација, а тоа не би требало да биде место на кое продавачи од трети страни ќе продаваат свои производи, туку TikTok сам би ги продавал во соработка до партнери..
Она што корисниците можат да го очекуваат се производи како потрошувачка електроника, куќни апарати и апарати за кујна, облека и обувки итн.
Праксата покажа дека корисниците на социјалните медиуми во некои други делови од светот,особено во Азија, сакаат таков начин на шопинг и тимот на TikTok сега сака тој тренд да го популаризира во Америка.
Плановите за онлајн шопинг платформата во САД постојат уште од порано, но TikTok не можеше да ги оствари затоа што постојано е под удар на американските власти,кои ги обвинуваат за кршење на приватноста.
Популарната социјална мрежа веќе почна со тестирање на онлајн продавницата во Велика Британија и Саудиска Арабија, а сега е на ред САД.
(Zimo)
