ИЗИИС – иновативните технологии и неуморниот стремеж кон извонредност не само што го револуционизираа земјотресното инженерство туку поставија и меѓународна репер за сеизмичка отпорност и урбан развој
Институтот за земјотресно инженерство и инженерска сеизмологија (ИЗИИС) во спомен на 60 години од катастрофалниот земјотрес во Скопје, одржа завршен настан, на кој претходеа серија на предавања, едукативни работилници за деца и млади, отворени денови и научни средби, во изминатите три месеци.
На настанот свои обраќања имаа претседателот на РСМ Стево Пендаровски, министерот за локална самоуправа Ристо Пенов, градоначалничката на Скопје Данела Арсовска, амбасадорот на Европската Унија во земјава Дејвид Гир, претставникот на УНДП Армен Григоријан, ректорот на УКИМ проф. д-р Никола Јанкуловски, директорот на ИЗИИС, проф. д-р Влатко Шешов, како и претседателот на Светската и потпретседател на Европската асоцијација за земјотресно инженерство д-р Фарзад Наим.
„Скопје се сеќава на големиот земјотрес, а оваа година со одбележувањето на јубилеј 60-годишни од разорниот земјотрес, природна катаклизма која донесе огромна трагедија, правиме временска дистанца на тој настан, кој го гледаме низ светлината која послужи и како катализатор за раѓање на визионерска институција која ќе ја обликува иднината на земјотресното инженерство, Институтот за земјотресно инженерство и инженерска сеизмологија Скопје (ИЗИИС) кој се појави како светилник на надеж, издржливост и непоколеблива посветеност на обновата и развојот на градот што ни е драг. Преку неуморните напори и посветеноста, ИЗИИС ја презеде огромната задача не само да го реконструира Скопје туку да дизајнира нов град кој ќе може да ги издржи сеизмичките сили што некогаш ги опустошија неговите улици„ – изјави организаторот.
Благодарејќи на таа експертиза во земјотресното инженерство, ИЗИИС пред шест децении тргна на патот да создаде метропола која ги усогласува етстеиката, но и силата, комбинирајќи ја архитектонската генијалност со научната прецизност потребна за да се издржат идните потреси. Притоа, ИЗИИС го трансформираше Скопје во тестамент за човечката издржливост, претворајќи ја таа трагедија во триумф.
Револуционерно истражување, примена на иновативните технологии и неуморното стремеж кон извонредност не само што го револуционизираа земјотресното инженерство туку поставија и меѓународна репер за сеизмичка отпорност и урбан развој, со што експертите на ИЗИИС имаат меѓународно реноме, а оваа институција високо котира глобално.
На настанот беа презентирани факти за земјотресот во Скопје во 1963-та, за придонесот на ИЗИИС во обновата и реконструкцијата на Скопје, како и панел-дискусија со домашни професори и експерти.
