Американскиот технолошки гиганр Apple го претекна јужнокорејски Samsung по продажбата на телефони и застана на чело на светската листа, покажаа податоците на истражувачката компанија International Data Corporation (IDC).
Уделот на Apple на светскиот пазар за мобилни телефони минатата година достигна 20% со продадени 234 милиони уреди. Samsung е на второ место со удел од 19,4%, а следуваат кинески Xiaomi, OPPO и Transsion. Јунокорејската компанија неодамна предупреди дека нејзината добивка може доста да се намали поради континуирата слаба потрошувачка на електроника во светот.
Продажбата на мобилни телефони минатата година на глобално ниво се намали за над 3%, со испорачани речиси 1,2 милијарди уреди, што е најмалку во последните 10 години, утврди IDC.
Во текот на пандемијата луѓето наголемо купуваа нови модели, а сега ги кратата трошоците поради високата инфлација и повисоките каматни стапки, објаснуваат аналитичарите на специјализирани советодавни компании и проценуваат дека пазарот ќе закрепне во текот на оваа година.
(Bizlife)
(фото: Flickr)
