El Cosmico, постоечки хотел и камп на периферијата на Марфа, Тексас, се шири. На 24 хектари земјиште се градат 43 нови хотелски единици и 18 станбени куќи и сето тоа со помош на 3Д принтери.
Тоа е првиот хотел во светот изграден со 3Д печатење, вели сопственикот на El Cosmico, Лиз Ламберт и партнерите кои стојат зад проектот – компанијата за 3Д печатење ICON од Остин, Тексас и архитектите од Bjarke Ingels Group.
Ламберт вели дека 3Д технологијата овозможува невидена креативност.
„Повеќето хотели се затворени во четири ѕида, а вие често ја градите истата единица одново и одново. Никогаш не сум можела да градам со толку малку ограничувања и со толку многу флуидност… Само заоблени линии, куполи и параболи. Лудо е да се гради на тој начин“ вели Ламберт.
Единиците сега можат да имаат архитектонски карактеристики кои инаку би биле премногу скапи за да се реплицираат во голем обем со традиционална градба, истакна сопственикот на El Cosmico.
Во изградба се првите две единици од еднокатна куќа со ѕидови високи 3,7 метри, од кои едната е трокреветна, а другата едноставна хотелска соба. Заоблените, беж ѕидови се испечатени со помош на Vulcan на ICON, 3Д печатач широк 14,2 метри, висок 4,7 метри и тежок 4,75 тони.
Техничар за печатење го надгледува Vulcan, кој ја користи својата роботска рака и млазницата за да ја заврши работата на работното место.
„Мастилото“ на овој 3Д печатач е специјален материјал базиран на цемент наречен Lavacrete, мешавина дизајнирана за јачина, достапност и можност за печатење.
Директорот и основач на ICON, Џејсон Балард, вели дека работниците ги прилагодуваат и ги мешаат состојките во зависност од временските услови.
Магијата се случува во додатоците кои ни овозможуваат да продолжиме да печатиме, вели Балард. Тој додава дека влажноста, температурата и зрачењето влијаат на однесувањето на материјалот, па дури и на крајната боја.
ICON работи и на станбен проект во близина на градот Остин, кој исто така ќе биде изграден со помош на технологија за 3Д печатачи.
Проширувањето на El Cosmico треба да заврши до 2026 година. Цените на хотелските единици ќе се движат меѓу 200 и 450 долари за ноќ.
(Zimo)
(фото: ICON)
