Oд денес, па сѐ до 18 мај, Македонија за првпат е домаќин на еден од најеминентните европски иновативни случувања – CASSINI Hackathon. Овој настан ќе се одржи во ИТ центарот Netaville во Скопје, под заштита на Европската комисија и Агенцијата на ЕУ за вселенска програма (EUSPA).
Овој хакатон истовремено се реализира во 10 европски земји, а е посветен на темата „Вселената за здравството“.
Учесниците ќе работат на креативни решенија користејќи сателитски информации за подобрување на мониторингот и одговорот при заболувања и здравствени опасности, подобрување на брзата медицинска помош и унапредување на душевното здравје и благосостојба.
“Настанот ќе ја обедини технолошката, здравствената, академската и стартап заедницата, со учество на студенти, експерти, претприемачи и ентузијасти и е поддржан од бројни национални и меѓународни организации”, наведуваат од Netaville.
