Instagram им нуди на одредени креатори на содржина во САД до 20.000 долари за да го поттикнат сообраќајот кон апликацијата за да ја зајакне својата позиција против конкурентите TikTok и YouTube.
Ова е пилот проект на Instagram, „Referrals,“ и не е достапен за сите креатори, туку само за оние со седиште во САД со кои компанијата првпат контактира.
Програмата работи така што на креаторите им плаќа 100 долари за секој нов корисник кој ќе се регистрира преку нивната споделена врска или за секои 1.000 посети на апликацијата преку нивната врска, со максимална исплата од 20.000 долари, пишува Business Insider.
Идејата е да се натераат креаторите да го промовираат Instagram на ривалските платформи како Tiktok, YouTube, Discord и Substek.
„Споделете го вашиот профил на Instagram, видеа, објави, приказни и канали надвор од Instagram, им кажува апликацијата на учесниците во проектот.
Најновиот потег на Instagram е дел од серијата тестови и програми за поттикнување дизајнирани да ги задржат креаторите на платформата, особено кога ривалите како TikTok продолжуваат да привлекуваат таленти со своите понуди.
Шемите за упатување и бонус брзо стануваат норма во индустријата, а Tiktok неодамна лансираше свои награди за упатување кои вклучуваат попусти за купувања и финансиски стимулации за поканување пријатели да се придружат.
(Bizlife)
