Моделот Copilot Vision со вештачка интелигенција ќе биде способен да ja скенира и проверува целата работна површина на компјутерот на корисникот Microsoft објавува ажурирање за корисниците на програмата што ѝ овозможува на оваа алатка со вештачка интелигенција да види сè на вашиот екран.
Претходно, алатката можеше да „гледа“ само две апликации истовремено и да поврзува информации меѓу нив, но со оваа промена алатката може да го гледа целиот декстоп или која било специфична апликација или прозорец на прелистувачот, соопшти Microsoft.
За разлика од функцијата Recall, која автоматски прави редовни снимки од она што е на екранот, користењето на Copilot Vision работи повеќе како споделување на екранот за време на видео повик: ја активирате функцијата со кликнување на иконата за очила во апликацијата Copilot и избирање на работната површина што сакате да ја гледа.
Според Microsoft, Copilot Vision може да помогне во анализата на содржината, ќе обезбеди увид и ќе одговори на вашите прашања водејќи ве низ неа гласно. Може да понуди совети за подобрување на креативните проекти, да помогне при пишување CV или да обезбеди насоки додека играте нова игра.
Microsoft првпат започна со тестирање на Copilot Vision минатата година како функција што може да види што гледате додека сурфате на интернет. Исто така, Copilot Vision може да одговори на прашања за тоа што го гледа на екранот.
(Глас јавности)
Фото – EdTech
