Edufront Tutor е нов интелигентен дигитален водич развиен од Едуфронт, едукативен центар за компјутерско образование за деца од 8 до 14 години, во соработка со технолошката компанија Нова Солутионс.
Ова е првпат во земјава и пошироко во регионот да се воведе прилагоден GPT модел на вештачка интелигенција кој им помага на родителите и децата да изберат обука според возраста, интересите и претходното искуство. Преку неколку кратки прашања, AI водичот веднаш нуди персонализирана препорака и објаснување за секоја дигитална патека што ја нуди Едуфронт.
Што е Edufront Tutor?
Edufront Tutor е паметен асистент што функционира преку платформата ChatGPT. Направен е со цел да го олесни процесот на избор на обука за новите ученици – без потреба од долги објаснувања или пребарувања. Родителот или детето одговара на неколку едноставни прашања, како на пример возраст на детето, претходно искуство со компјутери или програмирање и што го интересира повеќе – игри, дизајн или кодирање.
На основа на овие информации, туторот препорачува соодветна обука – на пример: Scratch за почетници, Python за текстуално кодирање, или HTML/CSS за веб страници – секогаш во согласност со логиката на DigiPath програмата на Едуфронт.
AI водичот комуницира со топол и поддржувачки тон, достапен е секогаш, и особено е прилагоден за родители кои првпат се запознаваат со концептот на дигитална писменост кај деца.
Алатката е достапна тука:
https://chatgpt.com/g/g-686cfde0615c8191bcd069792fdc335f-edufront-tutor
Како функционира?
Edufront Tutor е поврзан со сите активни програми на Едуфронт. За секоја препорака, тој ги зема предвид возраста на детето, неговите интереси и предзнаења, проверува дали се исполнети предусловите за напредни обуки и предлага точна обука со име и краток опис како и информации за времетраење, термини, цени и начини на упис.
Едуфронт и Нова Солутионс веќе работат на втората, проширена верзија на алатката, која ќе содржи подетални информации за секоја обука. Целта е родителите и учениците не само полесно да изберат обука, туку и подобро да ги разберат темите, активностите и целите што ги опфаќа секоја програма. Со тоа, ориентацијата ќе стане уште поточна, а мотивацијата за учење ќе се заснова на реална претстава за материјалот.
За Едуфронт
Едуфронт е едукативен центар за дигитални вештини, посветен на поддршка на децата во градење на дигитална писменост и самодоверба. Низ внимателно структурирани обуки, организирани еднаш неделно, Едуфронт ги воведува учениците во светот на програмирање, дизајн, веб технологија и кодирање со хардвер. Работи онлајн, во мали групи, со проверена методологија и искусен наставен кадар.
Сите обуки се дел од шест дигитални патеки, поделени според возраст, интереси и ниво на предзнаење. Учениците добиваат диплома, работни материјали и индивидуална поддршка од предавачот.
За Нова Солутионс
Нова Солутионс е компанија специјализирана за дигитална трансформација, автоматизација и вештачка интелигенција. Со седиште во Битола, компанијата работи на развој на иновативни решенија за едукација, јавни институции и бизниси. Нивната работа вклучува креирање прилагодени дигитални и AI алатки кои носат реална вредност во секојдневниот живот. Со Edufront Tutor, тие го приближуваат потенцијалот на AI до семејствата и децата.
