На 2 октомври 2025 година, во CoWork 21, се оддржа Avenga Academy Career Connections 2025 – настан кој ги поврза студентите и алумните на Avenga Academy со водечките компании од различни индустрии
„Career Connections е повеќе од само саем за кариера. Оваа година, покрај можноста младите таленти директно да се сретнат со индустриски лидери, да се вмрежат и да добијат инспирација за своите идни кариери, воведовме и едукативни содржини и изложба на дела од студентите на академиите за дизајн,“ велат од Avenga Academy.
Програмата опфати предавање за Personal Branding, панел-дискусија на тема „Вештачка интелигенција и иднината на кариерата“, модерирана од директорката на Avenga Academy, Весна Иваноска, како и Speed Interviewing – симулација на реални интервјуа со компании.
На панелот учествуваа Миодраг Цекиќ (Adopt Intelligence), Катерина Јошевска (Avenga), Ивона Јакимовска (ProCredit Bank), Дарко Велков (Vrabotuvanje.com) и Дона Штерјова (Intertec), кои ги споделија своите перспективи за тоа како технологијата ја менува природата на професиите и што значи успех во дигиталната ера.
Особено внимание привлече изложбата на студентски портфолија од академиите за дизајн, каде беа претставени дела од графички, веб, гејм и UI/UX дизајн. Компаниите и посетителите имаа можност одблизу да ја почувствуваат свежата креативна енергија на идните дизајнери.
Настанот заврши со свечен Graduation Party, на кој беа доделени дипломите на најновата генерација студенти на Avenga Academy – во атмосфера исполнета со музика, емоции и славење на успехот.
Меѓу компаниите кои ја поддржаа иницијативата се
ProCredit Bank, CoWork21, TV21, Inventu, Leoron, Maksystem, Psyent, New Moment, Vrabotuvanje.com, ITLbas, Kontura, Native Teams, Emapta, Nion, Intertec, Reformulate, People +, Ama, Stia, Pelisterka, Gemak, MCars (MINI Macedonia, BMW Macedonia), Triglav, Avenga и Vector8.
Со комбинација од професионално вмрежување, креативна енергија и инспиративна прослава, Career Connections 2025 уште еднаш го потврди својот статус како вистински мост помеѓу образованието и индустријата.
