Насир Гаеми, професор по психијатрија во Медицинскиот центар Тафтс во Бостон, верува дека најголемата пречка за успех е самиот успех. Тој изјави за Psychology Today дека верува оти луѓето кои се чувствуваат удобно на своите работни места можат да престанат да напредуваат и на крајот да се чувствуваат неисполнето.
„За луѓето да напредуваат, тие треба да менуваат значајна работа во своите животи на секои десет години, што може да биде хоби или работа. Треба да го менувате она што го правите или како живеете на секои десет години“ вели тој.
Тој тврди дека промената може да ги направи луѓето посреќни од порано. Според него, временската рамка може да варира во зависност од тоа дали некое лице е успешно или неуспешно во својата работа. Ако работите одат надолу, тој вели дека би вредело да се направи промена по пет години. Ако кариерата оди добро, тој предлага да се прават промени по 15 години, но никогаш подолго.
„Премногу често мислиме дека треба да направиме промена само ако работите не одат добро или ако не успеваме на некој начин. Она што не го сфаќаме е дека треба да правиме промени дури и кога ни оди добро“, вели тој.
Тој ја наведува својата ќерка како пример, која се мачела со изборот на кариера затоа што ја гледала својата работа како нешто што ќе го прави до крајот на својот живот. Насир тврди дека никој не треба да размислува така, туку наместо тоа треба да ги истражи сите области во кои можеме да бидеме добри, а тоа значи да ја напуштиме нашата зона на удобност.
Тој вели дека многу луѓе се заглавуваат во одредени професии затоа што се успешни во нив, а не мислат дека можат да бидат уште подобри во нешто друго. Многу луѓе, вели психијатарот, не го достигнуваат својот максимален потенцијал затоа што не истражуваат области во кои би можеле да бидат одлични.
(Index.hr)
