Hamilton Ventura Edge Skeleton е современа реинтерпретација на часовникот претставен во 1957 година – првиот масовно произведен рачен часовник на батерии. Неговиот електричен механизам и асиметрично куќиште го револуционизираа светот на часовниците и го претворија Ventura во вистинска икона на поп-културата.
Hamilton го претстави часовникот Ventura Edge Skeleton, нов модел кој го реинтерпретира еден од најпрепознатливите часовници на 20 век. Футуристички, потемен и со поостри линии, овој модел внесува нова енергија во дизајнерската икона што го промени светот на часовниците пред речиси седум децении.
Како и оригиналниот Ventura од 1957 година, новиот Edge Skeleton е смел и иновативен. Но, додека првиот Ventura беше симбол на оптимизмот на вселенското доба, новиот модел го носи духот на 21 век – архитектонски, технички и визуелно напреден. Карактеристичното триаголно куќиште сега е исполирано до совршенство, со остри рабови и отворен бројчаник инспириран од „скршени форми“. и пружина изработена од материјал „Нивахрон“, кој обезбедува отпорност на магнетизам и температурни промени. „Вентура Еџ Скелетон“ се испорачува во две верзии – четкан челик (1790 евра) и црна PVD обвивка (1880 евра). И двете доаѓаат со црна гумена нараквица.
Оригиналниот „Вентура“, дизајниран од индустрискиот визионер Ричард Арбиб, беше првиот масовно произведен рачен часовник на батерии – вистински „часовник на иднината“. Неговиот електричен механизам и асиметрично куќиште ја револуционизираа индустријата и ја направија „Вентура“ феномен на поп-културата, особено откако Елвис Присли го носеше во филмот „Син Хаваи“ (1961). Моделот на Елвис од бело злато со црн бројчаник е еден од најбараните парчиња меѓу колекционерите денес.
„Хамилтон“, основан во 1892 година во Ланкастер, Соединетите Американски Држави, одбележа бројни пресвртници во историјата – од првите часовници што ги синхронизираа американските железници, преку воени модели и часовници за авијатичари, до улоги во повеќе од 500 филмови. Но, она по што засекогаш ќе биде запаметен е фактот дека во 1957 година токму Хамилтон го лансираше првиот сериски електричен часовник на батерии – иновација што го промени текот на часовничарството.
