Samsung TV има за цел да биде првиот што ќе ги лансира функциите на Google Photos во 2026 година, со премиерно прикажување на „Memories“ на големиот екран за првпат, додека можностите за креирање и персонализирани резултати ќе бидат воведени подоцна во текот на годината.
Скопје, 30 декември 2025 – Samsung Electronics Co., Ltd. денес објави дека работи на тоа Google Photos да го донесе на Samsung телевизорите, со цел на корисниците да им овозможи беспрекорен начин да уживаат во моментите што им значат најмногу — од патувања и хобија, до секојдневни спомени со најблиските — сега прикажани на имерзивен и поголем екран. Искуството има за цел да им понуди на семејствата пријатен и значаен начин заедно повторно да ги откријат своите омилени спомени.[1]
„Samsung телевизорите отсекогаш ги зближувале луѓето, а носењето на Google Photos на големиот екран го прави тоа искуство уште поперсонално“, изјави Кевин Ли, извршен потпретседател на тимот за корисничко искуство во одделот Visual Display (VD) на Samsung Electronics. „Преку ова партнерство, им помагаме на корисниците повторно да ги откријат и доживеат драгоцените моменти, осветлувајќи ги приказните зад нивните фотографии — директно од удобноста на нивната дневна соба.“
Позначаен начин за уживање во личните фотографии
Google Photos го прави повторното доживување и споделување на посебните спомени едноставно. Со планираната интеграција, фотографиите што луѓето ги снимаат со своите телефони беспрекорно ќе се прикажуваат на Samsung телевизорите, каде што ќе можат да се појават во поголем, кинематографски формат.
Преку предложената интеграција, корисниците ќе можат да истражуваат курирани спомени на своите телевизори, организирани по луѓе, места и значајни моменти. Google Photos исто така ќе го прошири спектарот на искуства базирани на фотографии што се интегрираат со Vision AI Companion (VAC) на Samsung, збогатувајќи го начинот на кој спомените се истакнуваат и се доживуваат во текот на денот.
Samsung сака Google Photos да биде длабоко вградена во ТВ-искуството. Замислете како фотографиите природно се појавуваат преку Daily+ и Daily Board, обезбедувајќи значајните спомени[2] да ги пречекуваат корисниците во текот на денот, во соодветни и удобни моменти. Поставувањето треба да биде едноставно — корисниците се најавуваат со својата Google сметка, а нивните фото-спомени веднаш се појавуваат на големиот екран.[3]
Три начини за повторно доживување и откривање: Memories, Create и Personalized Results
● Memories (планирано ексклузивно лансирање на почетокот на 2026 година): За првпат прикажува курирани приказни на телевизор, базирани на луѓе, локации и значајни моменти. Функцијата првично ќе биде достапна прво и ексклузивно на Samsung телевизорите во период од шест месеци.[4]
● Create со AI (планирано лансирање подоцна во 2026 година): Воведува тематски шаблони[5] базирани на Nano Banana, моделот на Google DeepMind за генерирање и уредување слики, со разиграни и забавни трансформации. Корисниците ќе можат да ја користат и функцијата Remix за трансформација на уметничкиот стил на сликите, како и Photo to Video за оживување на статични моменти во форма на кратки видеа.
● Personalized Results (планирано лансирање подоцна во 2026 година): Корисниците ќе можат да прегледуваат поврзани фотографии во форма на слајдшоу, врз основа на теми или содржини на спомените, како на пример океан, планинарење, Париз и слично.
Беспрекорен начин за доживување на спомените на Samsung телевизор
Samsung и Google Photos имаат цел да донесат кинематографско галериско искуство во срцето на домот, овозможувајќи им на корисниците на Samsung телевизори да ги прелистуваат и повторно да ги доживуваат своите најзначајни моменти со извонредни детали. Оваа интеграција ќе ги трансформира личните фото-библиотеки во простор што ги повикува корисниците да го истражат својот животен пат, да создаваат нови приказни и со едноставност и длабочина да се навраќаат на драгоцените спомени.
„Google Photos е дом за фотографиите и видеата на луѓето, помагајќи им да ги организираат и да ги оживеат своите спомени“, изјави Шимрит Бен-Јаир, потпретседател за Google Photos и Google One. „Возбудени сме што го носиме Google Photos на Samsung телевизорите — помагајќи им на луѓето да уживаат во своите омилени фотографии на поголем екран и да се поврзат со своите спомени на нови начини.“
###
За компанијата Samsung Electronics Co., Ltd.
Samsung го инспирира светот и ја обликува иднината со револуционерни идеи и технологии. Компанијата го редефинира светот на телевизорите, дигиталните екрани, паметните телефони, носливите уреди, таблетите, домашните апарати и мрежните системи, како и решенијата за меморија, системските LSI решенија и производството на чипови (foundry). Samsung напредува и во областа на медицинската визуелизација, решенијата за греење, вентилација и климатизација (HVAC), како и во роботиката, додека преку компанијата Harman создава иновативни производи за автомобилската индустрија и аудио-технологиите. Со својот екосистем SmartThings, отворена соработка со партнери и интеграција на вештачката интелигенција низ целиот производен опсег, Samsung овозможува поврзано и интелигентно корисничко искуство. За најнови вести, посетете ја страницата Samsung вести на news.samsung.com.
[1] Функциите и достапноста може да се разликуваат во зависност од моделот и регионот.
[2] Достапно на Samsung ТВ модели лансирани во 2026 година со Google сметка и резервно зачувани фотографии/видеа. За моделите што веќе се на пазарот, искуството ќе биде достапно согласно распоредот за ажурирање на оперативниот систем.
[3] Функцијата Memories не смее да биде исклучена во поставките на Google Photos.
[4] Memories ќе биде достапна од март 2026 година; Create и Search ќе бидат достапни во втората половина од 2026 година.
[5] Одбрани креативни AI шаблони ќе бидат достапни ексклузивно на Samsung телевизорите.
