IGUANEYE е француски стартап со седиште во Порто, Португалија, кој разви нов стил на 3Д печатење сандали кои овозможуваат нозете да дишат без да се ограничува мобилноста. Нивниот производ се вика IGUANEYE Jungle и за него наскоро ќе стртува кампања на Indiegogo, пренесува 3ders.org.
Стартапот постои неколку години и во 2012 година го лансираше својот прв производ Freshoes, исто така со помош на кампања за групно финансирање. Целта на компанијата е да се креираат обувки кои кога ги носите ќе имате чувство дека сте боси, а истовремено стапалата ви се заштитени и стабилни.
Всушност, основачот на компанијата и дизајнер на новите необични сандали, Оливие Тако, инспирацијата за производот ја влече од племињата во Амазон, кои нивните голи стапала ги ставале во течна гума за да ги заштитат од џунглата. Токму оттука и името IGUANEYE Jungle. Според Оливие, тој изминатите две децении дизајнира чевли и постојано прави минималистички форми. И за новите сандали барал најминималистички чевли кои кога се носат нема да се чувствуваат на стапалото.
Истовремено, барал и решение за таканаречениот „влечки парадокс“. Тоа значи дека ние обуваме вечки кога сакаме да се чувствуваме слободни, но кога ќе ги обуеме не можеме да се движиме толку слободно. Оливие верува дека моделот IGUANEYE Jungle ги задоволува и двете работи.
Шонот се состои од два дела: флексибилен дел за палецот и дел за стапалото направен од техничка гума, кои се склопуваат еден во друг и се прилагодуваат на ногата. Доколку е успешна кампањата за групно финансирање, планот е сандалите понатаму да се прават во калапи, освен ако не се склучи партнерство со компанија за 3Д печатење. Кампањата ќе стартува на 7 декември и мининалистичките чевли ќе може да се добијат за минимална донација од 49 евра.
