Осум совети како да го подобрите фокусот при работењето

- Advertisement -

Фокусот е еден од клучните нешта за напредок во работењето бидејќи без него сме склони кон грешки, лоши одлуки, спори сме и произведуваме неквалитетни резултати. Иако сме свесни колку ни е потребно да се фокусираме додека работиме, понекогаш е тешко бидејќи личниот живот влијае на професионалниот и секогаш размислуваме за повеќе нешта во исто време

Но доволно е да ги следите овие осум чекори кои им помогнале и на најуспешните да се фокусираат и да остварат одлични резултати.

1. Јасни цели

- Advertisement -

Одредите што точно сакате да постигнете. Ако сте премногу уморни, не мора да се форсирате да завршите некоја задача бидејќи додека ја работите ќе бидете само уште поуморни и дефокусирани. Во секој момент од работењето зацртајте си што точно планирате да остварите тој ден или во наредните неколку дена. Исто како кога вежбате, кога сте уморни не можете да истрчате уште десет километри. Исто е и со работењето, направете план бидејќи тоа ќе ви го зголеми фокусот.

2. Приоритети

- Advertisement -

Како и кај целите, поставете и јасни приоритети. Не е добро да го завршите најмалку важното пред она што е најмногу важно и клучно за проектот. Не прескокнувајте чекори, само подобро разгледајте ја ситуацијата и откријте кои задачи се најважни.

3. Едноставна организација

- Advertisement -

Не оптеретувајте се со непотребни задачи или со нештата околу себе. Користете ги исклучиво алатките кои ви помагаат да си ја завршите работата со цел да не ви го одвлекуваат вниманието работите околу вашето биро и да ви ја нарушуваат концентрацијата.

4. Исклучете се

Мобилен телефон, електронска пошта, социјални мрежи. Морате да го исклучите секој уред што може да ви го краде вниманието за да се посветите на работата.

5. Чекор по чекор

Или со други зборови, заборавате на мултитаскингот! Не форсирајте се да работите неколку задачи истовремено, туку една по една. Само на овој начин ќе успеете да бидете брзи и ефикасни.

6. Временски ограничувања

Определете си однапред колку време ви е потребно за одредена задача бидејќи на овој начин ќе се натерате сами себе да работите посветено.

7. Автоматизација

Не морате сами да работите баш сѐ. На пример, доколку ја водете работата, за финансискиот менаџмент може да биде одговорен некој друг. Или пак, на пониските нивоа, јавувањето на телефон, купувањето на кафе и ручек, може да го прави некој друг или пак да имате распоред. Можеби ви се чини непотребно на почетокот, но ефективно е на долг рок.

8. Одмор

Се враќаме на почетокот. Не заморувајте се непотребно бидејќи тоа ќе ви го намали вниманието кое го посветувате на задачите. Кога сте одморени, ќе работите побрзо и поефикасно.

 

Сподели!
- Advertisement -