И покрај високата стапка на криминал, според едно истражување на британскиот магазин за култура и забава Time Out, американскиот град Чикаго е најдобро место во светот за забава и уживање. Третиот по големина американски град благодарение на бројните ресторани и кафулиња по втор пат е на чело на листата со најзабавни градови во светот. Веднаш по него следуваат Порто, Њујорк, Мелбурн и Лондон.
„Овој град на средината на американскиот Запад на посетителите им нуди безбројни можности за храна и пиење, забава и културни искуства на секој чекор“ вели Морган Олсен, уредник на списанието Time Out Chicago, пренесува Bizlife.
Списанието анкетираше 15.000 лица во 32 града од Мексико Сити до Бангкок барајќи од нив да ги рангираат градовите по храната, пиењето, културата, пријателскиот однос, гостопрмливоста, забавата и живоста. Ќикаго имаше натпросечни оценки за храната и пијалаците, но безбедноста е единствена маана. За Њујорк беше заклучено дека има најдобар ноќен живот, Парижаните имаат најдобар сексуален живот, а жителите на Остин, Тексас, имаат најдобра жива музика.