Пред неколку дена бевме сведоци на тоа како Маск го лансираше својот стар Tesla Roadster автомобил со ракетата SpaceX на пат кон Марс, во која беше прицврстена куклата наречена Starman. Веќе од денес автомобилот може да се најде меѓу останатите небесни тела во регистарот на НАСА.
Како што пишува порталот Gizmodo, доколку ја посетите веб страницата NASA Horizons и кај опцијата change впишете SpaceX, па потоа и кликнете на generate ephermis, ќе ги добиете сите детали за автомобилот како небесно тело, како и неговата позиција во вселената. Преку овој систем НАСА ги следи сите тела во Сончевиот систем како сателитите, планетите итн.
Деталите за Tesla Roadster откриваат дека автомобилот содржи и мини модел на Tesla со Starman и копии од серијата романи Foundation на Исак Асимов сместени на хард диск.
Заедно со координатите има и предупредување, кое гласи: „Грешките во предвидувањето на положбата можат да се зголемат со тек на време поради непредвиден сончев притисок, термална радијација и забрзувања на објектот кои не се предвидени“.
