Oradian, хрватски стартап базиран во Загреб и Лондон кој нуди банкарски софтвер за микрофинансирање во државите во развој, доби дополнителни 112.000 евра од новиот инвеститор Middleton Enterprises, пишува порталот EU – Startups
Оваа финансиска инјекција е дел од поголема инвестициска рунда која ќе биде најавена наскоро и е наменета за финансирање на проширувањето на стартапот. Како претходни инвеститори во стартапот се јавуваат Credo Ventures, Playfair Capital, Day One Capital и Esther Dyson.
Основан во 2012 година, Oradian се фокусира на државите со недоволно развиена банкарска инфраструктура каде нуди платформа за финансиски менаџмент за лично банкарство.
Хрватскиот fintech стартап најпрво започна да работи во Нигерија каде веќе има околу 490 000 крајни корисници, а со поддршка од Филипинската централна банка, започна да работи и на Филипини. Денес се веќе присутни и во Гана, Либан и Малави.
Нивната долгорочна цел е да поврзат 100 милиони семејства на глобалниот финансиски систем. Нивниот софтвер им помага на микрофинансиските институции да го прошират својот бизнис и да ги намалат банкарските трошоци на крајните корисници.
