Во 2013 година Џим Хаслем од Солт Лејк Сити го основаше стартапот Shelter in Place, компанија која прави засолништа кои можат да издржат куршуми и екстремни временски услови. Првото такво засолниште беше инсталирано во едно основно училиште во Оклахома во 2015 година, а оттогаш досега ги има во стоици училишта во САД.
Засолништето е високо 1,8 метри, а широко 1,5 метри. Во себе содржи околу 3 тони балистички челик, може да собере до 20 ученици и чини 20.000 долари. Дизајнирано е за учениците да влезат во него за помалку од 30 секунди затоа што има двојна намена – кога не постои опасност служи како соба за читање и така многу лесно се вклопува во изгледот на училните.
На надворешната страна има камера која емитува што се случува надвор на монитор поставен во внатрешноста. Во засолништето има клупи, батериски систем, обложени подови, осветлување и вентилациски систем. Освен куршуми, засолништата може да издржат експлозии, торнада, урагани од 5-та категорија и земјотреси со јачина од 9,5 степени според Меркалиевата скала.
