Живееме во дигитален свет и најдобрата стратегија за компаниите подобро да се поврзат со своите клиенти е преку дигитални канали каде клиентите во суштина и минуваат најмногу време. Клучно е што побрзо да ги откриете бенефитите од маркетингот преку дигитални канали и ќе сфатите колку една стратегија за дигитален маркетинг е важна!
Споредено со традиционалниот маркетинг, дигиталниот маркетинг за почеток ви нуди методи и канали за да го разберете однесувањето на потрошувачите во реално време. Ова значи дека бизнисите можат многу подобро да оценат како им поминува маркетинг кампањата и ќе знаат да ја адаптираат според однесувањето на потрошувачите. Еве кои конкретни бенефити ви ги носи користењето на дигитален маркетинг.
1. Мерливи резултати
Една од најголемите причини зошто дигиталниот маркетинг успеа да го надмине традиционалниот е поради фактот дека нуди мерливи резултати. Не можете да измерите колку луѓе ви го виделе билбордот во денот или колку луѓе ви го прочитале флаерот пред да го фрлат во канта. Од друга страна, кога користите дигитален маркетинг, ќе добиете солидни и реални резултати кои ќе ви покажат точно колку луѓе кликнале одреден линк и читале на вашата веб страница. Ова ќе ви овозможи да се фокусирате на оној сегмент од каде доаѓаат најмногу потенцијални потрошувачи.
2. Флексибилност
Потрошувачите денес се заинтересирани за персонализирани искуства кои ги задоволуваат нивните потреби. Овде доаѓа дигиталниот маркетинг бидејќи ви овозможува да ги искористите интересите на индивидуален клиент со тоа што ќе им испратите уникатна маркетинг порака. Можете да ги адаптирате пораките според групи на потрошувачи и токму оваа персонализација ќе направи потрошувачот да се почувствува специјално бидејќи се добива ефектот дека пораката му е наменета лично нему.
3. Пристап до поголема публика
Преку дигитален маркетинг, можете да дојдете до поголема и поглобална публика благодарение на интернетот кој е присутен во секоја држава. Од друга страна пак, традиционалниот маркетинг ве ограничува само на одредена географска површина.
4. Поголема достапност
Еден од најголемите проблеми на традиционалниот „офлајн“ маркетинг е тоа што маркетинг методите како ТВ реклами, билборди и радио реклами им се достапни само на поголеми играчи, додека пак малите бизниси најчесто не можат да си дозволат да платат ваков вид на реклама. Ова не се однесува и на дигиталниот маркетинг бидејќи преку него, секојa компанија има можност да стигне до голем број на луѓе без разлика на големината.
5. Зголемен број на конверзации
Потребни се само неколку клика за да го добиете клиент онлајн. Луѓето не мора да ја посетуваат вашата продавница или да се јават кај вас за да станат клиенти. Сега можат да ги пронајдат сите информации за вашиот бизнис онлајн и можат да ви станат клиенти буквално додека си седат дома, секако, доколку им пристапите со вистинските тактики преку дигитален маркетинг.
