ВИДЕО: Кибритите Uco Stormproof не можете да ги изгаснете со ништо

Како што се влошува ситуацијата со глобалното затоплување и климатските промени, така се појавуваат се поекстремни временски услови. Од поројни врнежи, урагани, торнада, циклони до земјотреси, активирање на вулкани. Во случај на каква било природна непогода, на прво место е битно да имате храна, да имате со што да се загреете и да зготвите храна.

Uco Stormproof кибритчињата, како што кажува и самото име, се создадени токму за такви итни случаи. Она по што се посебни и уникатни е фактот дека не можете да ги изгаснете никако – ни со вода, ни со потрупување со земја, ни доколку ги згазите. Што и да пробате да им направите, по кратко време повторно ќе се запалат и ќе ви овозможат 6 минути континуирано горење.