KSafe е паметен мини-сеф кој ќе ве спаси од зависноста од чоколада

Има ли некој што не сака чоколади, колачи, сладолед, торта… Нема потреба да набројуваме повеќе зашто ќе посакаме веднаш да каснеме нешто слатко. Но, кога ќе почнеме да јадеме, тешко е да се контролираме и да престанеме, нели? Токму затоа тука е K-Safe, мини паметен сеф за вашата кујна.

K-Safe ви помага да стекнете здрави навики, како што е контролирањето на желбата за јадење слатки, за грицкање нездрави грицки, па дури и претераното користење на електронските уреди. Се што треба да направите е да го наместите тајмерот од најмалку 10 минути до најмногу 10 дена и паметниот затворач ќе се заклучи.

Се додека одбројувањето на екранот не дојде до нула, немате пристап до што и да сте ставиле во садот. Садовите ги има во три различни големини, па во нив можете да складирате навистина што било.