Кинезите направија вештачко сонце кое е шест пати потопло од вистинското

Повеќето живи суштества зависат од нуклеарната фузија. Доколку Сонцето престане да работи, ќе згасне и животот на Земјата. Но, фузијата дава и чиста енергија за во иднина. За да се случи една нуклеарна фузија, две атомски јадра се спојуваат под екстремно висок притисок и висока температура од над 150 милиони дстепени Целзиусови. Кога ќе се спојат, испуштаат огромна енергија која може да се складира и да се користи за напојување на градовите. За разлика од горењето фосилни горива, оваа енергија има нула емисија на штетни гасови и за разлика од нуклеарната фисија, е релативно безбедна.

Тешко е да се предизвика нуклеарна фузија, а уште потешко е да се одржува. Тешко е да се направи реактор кој ќе може да го издржи неверојатниот притисок и високата температура при реакцијата. Но, повеќе лаборатории за фузија и стартапи во светот почнаа да го прифаќаат овој тренд и да гледаат на фузијата како на енергетска иднина за Земјата.