Фотографиите отсегокаш се интегрален дел од дизајнот. За жал, се навикнавме да гледаме неинвентивни и монотони фотографии, од кои голем дел се и многу скапи. Сепак, има се поголем број веб страници каде што има одлични фотографии, а најдобро од се е што се бесплатни. Еве листа со некои од тие веб страници, каде што фотографиите не се со заштитени авторски права, што значи дека можете да ги копирате, да ги менувате, да ги дистрибуирате и да работите со нив без да барате дозвола од некого.
1. StockSnap.io
StockSnap.io нуди голема селекција на бесплатни фотографии и фотографии со голема резолуција. Страницата има и многу корисна алатка за пребарување низ илјадниците достапни фотографии. Освен тоа, ги следи прегледите и бројот на симнувања, па можете да видите кои фотографии се најпопуларни. StockSnap дневно додава стотици фотографии и сите се јавно достапни.
2. Pexels
Pexels има висококвалитетни и целосно бесплатни фотографии, кои се добро организирани и лесни за пребарување низ страниците.
3. Unsplash
Unsplash исто така има голема колекција бесплатни фотографии со голема резолуција и е еден од најдобрите извори за сите кои работат со многу фотографии. Тимот на Unsplash ги прегледува сите нови испратени фотографии и на веб страницата ги става само најдобрите.
4. Burst 
Burst е ресурс на Shopify кој обезбедува бесплатни фотографии за претприемачи. Некои фотографии се лиценцирани со Creative Commons CC0, додека други потпаѓаат под лиценцата за фотографии на Shopify. Burst е создадена со цел да им помогне на претприемачите да прават подобри производи, веб страници и маркетинг-кампањи. Најголем дел од фотографиите се оригинали и се групирани по тренди теми.
5. Reshot
Reshot е масивна библиотека на избрани фотогорафии кои нема да ги најдете на друго место. Направена е за стартапи, фриленсери и креатори кои не сакаат неквалитетни фотографии.
6. Pixabay
Pixabay има голема колекција бесолатни фотографии и илустрации. Сите тие потпаѓаат под лиценцата Creative Commons CC0.
7. FoodiesFeed
FoodiesFeed нуди илјадници прекрасни реалистични фотографии од храна со висока резолуција. Ова е одличено место за блогери за храна.
