Пред излегувањето на берза, Uber ги предупреди инвеститорите на тоа дека постои можност компанијата некогаш да не биде профитабилна.
Вчера Uber ги објави првите резултати откако со нивните акции се тргува на берза, а бројките кои ги претставија се на горната граница од очекувањата, така што треба да бидат задоволни.
Во текот на последниот квартал Uber остварил приходи од 3,1 милијарди долари, но сепак кварталот го завршиле со минус од околу 1,01 милијарди долари. Тие резултати позитивно беа прифатениu на берзата и по нивната објава цената на акциите скокна за 2,6%.
Аналитичарите велат дека Uber е глобален играч чија цел е брз и ефикасен раст, што значи дека инвеститорите мора да бидат трпеливи и да им веруваат на челниците во компанијата дека бизнисот ќе расте од квартал во квартал, а заедно со тоа ќе расте и цената на акциите и профитот.
