Ви го претставуваме Pix Mini, првиот паметен ранец за деца во светот. Овој ранец е многу повеќе од обичен ранец за носење книги на училиште. Pix Mini се поврзува со апликација за телефон и на задниот дел кој се гледа кога го носите може да се прикажуваат цртежи кои сте ги направиле самите.
Вашите креации можете да ги споделувате и со другарите. Можете да избирате од повеќе игри со сложување и да ги играте на екранот на вашиот ранец преку вашиот телефон. Можете да го персонализирате ранецот со некој цртеж или да изберете некој од омилените ликови од цртани филмови.
Pix Mini на децата им овозможува на екранот од ранецот да прикажат се што сакаат, па секое одење на училиште ќе им биде забавно и поинакво. Освен тоа, ранецот има посебна поддршка за исправено држење на телото, лесен е, екранот е флексибилен и може да се витка, а материјалите од кои е направен се водоотпорни.
Понатаму, ранецот ќе помогне вашето дете да биде побезбедно кога ноќе се движи пеш по пат или вози велосипед поради тоа што цртежите на екранот ќе бидат видливи за возачите на автомобили. Уште неколку дена трае кампањата за ранецот на Kickstarter, која максималната побарана сума ја собра за само 6 часа од објавувањето.
The First Smart Backpack FOR KIDS!
World's first smart backpack for kids with programmable screen.
Posted by Startup Selfie on Четврток, 20 јуни 2019
