Новата фабрика на Volkswagen ќе се гради во Турција

Долгата неизвесност околу локацијата за изградба на новата фабрика на Volkswagen заврши, пренесуваат германските медиуми. Тие откриваат дека истата ќе се изгради во Турција.

Речиси една година трае изборот на локација за новата фабрика, а до последен момент најсериозни кандидати беа Бугарија и Србија. Претходно, во игра беше и Романија, а намери за привлекување на оваа голема инвестиција покажа и Косово.

Инаку во новата фабрика на Volkswagen Групацијата предвидено е да се произведуваат неколку модели на Skoda и Seat, а годишниот производствен капацитет е проектиран на 350 илјади автомобили.