Компанијата „Тетра пак“ објави дека со партнерите во Европа почнаа теренско испитување на хартиени сламки за пијалоци.
Со тоа, „Тетра пак“ е прва компанија за картонска амбалажа која нуди ваков вид сламки, како алтернатива за досегашните што се правеа од пластика.
Драго ни е што развивме хартиена сламка која е целосно функционална и ги задоволува меѓународно признатите стандарди за сигурност на храната. Ова е важен чекор кон остварување на нашата визија за правење амбалажа од материјали од целосно растително потекло. Нашите иновации ги ставивме на увид на јавноста. Ги повикуваме сите добавувачи и партнери да го искористат нашето знаење и да ги здружиме силите да го зголемиме шроизводството на хартиени сламки што е можно побрзо, во интерес на животната средина, изјави Адолфо Ориве, претседател на компанијата „Тетра пак“.
Новата хартиена сламка која целосно ќе може да се рециклира за почеток ќе биде достапна за две мали картонски пакувања за млечни и други напитоци за деца: Tetra Brik Aseptic 200 Base и Tetra Brik Aseptic 200 Base Crystal.
Сламките засега ги произведува фабриката на „Тетра пак“ во Лисабон.
www.instore.mk
