WeWalk е првиот паметен бастун за слепи луѓе

Ова е револуционерен паметен бастун за слепи луѓе. WeWalk  е бастун кој го направи компанијата YGA, а ги детектира сите пречки кои се наоѓаат на висина над градниот кош на корисникот. Тоа го прави благодарение на ултразвучниот сензор вграден во него, а корисникот го предупредува дека има нешто пред него со вибрирање.
Кога ќе се поврзе со апликацијата WeWalk, добивате и сопствен асистент за навигација кој ви зборува и ви посочува каде да одите право, каде да свртите и ќе ве извести кога ќе стигнете до целта.
WeWalk нуди отворена платформа на којашто девелоперите можат да развиваат апликации за WeWalk со користење на нивните алатки за развој на софтвер. Со нови интеграции бастунот WeWalk ќе добива нови опции како што се Google Maps, Uber, Lyst и BlindSquare.