Отворен најголемиот парк на ветар на Балканот

Паркот на ветар Čibuk 1, најголем на Балканот, кој чини 300 милиони евра, беше отворен вчера во Мраморно, а ќе снабдува со струја 113.000 домаќинства. Поставени се 57 турбини со инсталирана моќност од 158 мегавати, чија изградба заврши годинава во април.

Таа инвестиција на компанијата Masdar од Абу Даби ја поддржаа Меѓународната финансиска корпорација и Европската банка за обнова и развој со кредити во вкупна вредност од 215 милиони евра.

Се смета дека со производството на струја во паркот Čibuk 1 годишно ќе се постигне намалување на емисијата на јаглерод диоксид за 370.000 тони. Компанијата Masdar е глобален лидер за обновливи извори на енергија и одржлив урбан развој, а Čibuk 1 е нејзин четврти парк на ветар во Европа.