Со фармата Knepp Estate управуваат животните коишто живеат таму и ја трансформираа целата фарма. Се прашувате како е тоа возможно? На оваа фарма животните во текот на целата година се движат слободно без човечка интервенција.
Со пасењето на тревата и газењето на земјиштето тие стимулираат развој на сложени животински заедници и биодиверзитет. Ова е еден од најневеројатните европски проекти за фармерство.
Чарли Бурел е сопственик на земјиштето каде што е фармата и тој вели дека не можел ни да замисли дека неговиот имот може да изгледа така. Овој начин на фармерство е ефективен за обновување на природата, додека истовремено се произведува висококвалитетно и здраво месо.
Кога сите запуштени и необработени површини би се претвориле во вакви фарми, ќе се зголеми количината јаглерод диоксид која се складира во почвата, а ќе се помогне за опстанокот на загрозените животински видови.
