Апликацијата за четување WhatsApp повеќе нема да фунцкионира на милиони смартфони почнувајќи од 1 февруари. Android телефоните и iPhone уредите кои поддржуваат само застарени опреативни системи нема повеќе да можат да ја користат оваа апликација која е во сопственост на Facebook.
Од WhatsApp велат дека овој потег е неопходен за да се заштити безбедноста на корисниците. Корисниците на смартфони со Android 2.3.7 или постари, како и корисниците на iPhone iOS 8 или постари ќе бидат засегнати од оваа одлука.
Оперативните системи кои повеќе нема да ја поддржуваат апликацијата WhatsApp се застарени и повеќе не се надградуваат, ниту се инсталираат на нови уреди. Повеќето корисници едноставно ќе треба да го надградат оперативниот систем за да ја користат апликацијата за четување. Додека, пак, уредите како iPhone 4, кои поддржуваат само iOS 7, повеќе нема да бидат компатибилни со апликацијата.
