Ако ви здосадиле црвеното и белото вино, сега можете да пробате портокалово вино

Сите сте пробале или барем сте чуле за црвено, бело и розе вино, но дали сте чуле за портокалово вино? Негови поборници досега беа само добрите познавачи на вино, но сега се повеќе производители комерцијално се вртат кон таа сорта вино.

Портокаловото вино се добива со ферментација на ббело грозје од кое не се отстранува лушпата. Таа лушпа и семките имаат повеќе време да испуштат танини и да му го дадат вкусот на конечниот производ, како и уникатната боја од килибар жолта до потемно портокалова.

Некои портокалови вина воедно се и природни затоа што не користат адитиви, туку само квасецџ кој природно постои во грозјето. Во производството на вино се користат посебни видови квасец за да се контролира процесот на ферментација.