Претседателот Стево Пендаровски прогласи вонредна состојба

- Advertisement -

Претседателот Стево Пендаровски прогласи вонредна состојба заради заштита и справување со последиците од коронавирусот. Како што соопшти тој во обраќањето до јавноста, вонредната состојба ќе трае 30 дена.

Од оној момент кога Собранието ќе може да се состане, оваа одлука ќе му биде поднесена на потврдување. Пред истекот на тие 30 дена тој очекува од Владата да му поднесе извештај за ефектите од преземените мерки и образложен предлог за потребата од евентуално продолжување на мерката за дополнителни 30 дена.

- Advertisement -

Владата ќе продолжи да функционира како техничка, а ќе има зголемени надлежности и ќе може да ги користи сите ресурси на државата, и државни и приватни за подобро справување со ситуацијата – поголемо ограничување за движење и поголеми средства за поддршка на економијата.

Ова е првпат од независноста да се прогласи вонредна ссостојба, што според Пендаровски укажува на тоа колку е сложена состојбата и колку е голем ризикот.

- Advertisement -

– Предмалку ја потпишав одлуката за прогласување вонредна состојба на територијата на целата држава. Фактот што првпат од нашата независност поднесуваме вонредна состојба укажува колку е сложена состојбата во земјата. Изборите ќе мора да бидат одложени, а ќе се закажат дури кога за тоа ќе се создаде прилика, истакна Пендаровски во вонредното обраќање.

На граѓаните уште еднаш им порача да останат дома и да не патуваат надвор.

Сподели!
- Advertisement -