1.9 C
Skopje
понеделник, март 30, 2020

Ангеловска: Владата се одлучи за заем до еврообврзница од 400 милиони евра, државата е подготвена за најлошите сценарија

Kabtel desktop

Вкупно 400 милиони евра заем до еврообврзница ќе побара Владата од странски банки за да се издржи ударот врз економијата од коронавирусот, соопшти денеска министерката за финансии, Нина Ангеловска.

Заемот ќе биде со време на доспевање од 12 месеци, а целосно ќе се отплати со средствата кога ќе се издаде еврообврзницата.

Според Ангеловска, се очекува висината на каматната стапка да биде исклучително поволна, под 2,75 отсто.

„Подготвени сме за најлошите сценарија. Целта во овој момент е да обезбедиме ликвидност на Буџетот“, истакна министерката, додавајќи дека заемот до еврообврзницата ќе биде побаран во понеделник.

Во понеденик, дополнително, ќе бидат побарани и уште 87 милиони ерва од ММФ, како и 100 милиони евра од Светска банка за развојни политики.

„Сигурност на државниот Буџет и за најцрните сценарија, како и на Буџетот на Министерството за здравство, ликвидност и финансиска инјекција во стопанството, помош на фирмите и заштита на секое работно место, се клучните цели во овој момент. Не смее ниту еден граѓанин да остане без приходите“, напомена Ангеловска.

Таа е децидна дека сите анализи се направени, земени се предвид и ризиците, по што е заклучено дека овие итни мерки во овој момент се најповолни.

Министерката најави кратења на расходната страна, покрупни алокации меѓу буџетските корисници, а во услови на вонредна состојба, рече, ребаланс на Буџетот нема да биде потребен.

Во вториот квартал се очекуваат најголемите ефекти од коронавирусот – драстично намалување на даночните приходи. Во третиот квартал се зборува за закрепнување, а во четвртиот закрепнување, па дури и раст.

(mia.mk)

Сподели!
  •  
  •  

НАЈПОПУЛАРНИ

Сподели!
  •  
  •