Во светот од корона вирусот се опоравија повеќе од 4 милиони луѓе, додека бројот на заразени се зголеми на околу 8 милиони. Според податоците од страницата Worldometers, досега се излечени 4.016.000 заразени.
Бројот на заразени е околу 7,9 милиони луѓе, додека од смртоносниот вирус починаа повеќе од 431.000 луѓе. Тоа значи дека моментално во светот има активни околу 3,35 милиони случаи на КОВИД-19, од кои над 54.000 се во тешка или критична состојба.
Најголем број на опоравени има во земјите во кои има и најголем број на заразени – САД, Бразил и Русија. Од 2,1 милиони Американци закрепнаа повеќе од 849.000, од 850.000 заразени Бразилци оздравеа повеќе од 427.000, додека во Русија од 520.000 заразени се излечија речиси 275.000.
(Bizlife)
(фото: Wikimedia)
