Операта во Барселона со необичен концерт – 2.300 куќни растенија ја заменија публиката

Во оперската куќа во Барселона синоќа за првпат по три месеци се одржа концерт, но наместо луѓе, концертот го слушаше исклучиво тивка публика, поточно 2.300 куќни растенија, пренесува Радио МОФ.

Организаторите соопштија дека намерата е да се одрази апсурдноста на човековата состојба во ерата на коронавирусот, што ги лишува луѓето од нивната позиција како гледачи.

„Природата напредуваше во зафаќањето на просторите што ги искористивме“, рече извршниот продуцент Евгенио Ампудио на сцената на попладневната проба пред концертот. „Можеме ли да ја прошириме нашата емпатија? Да започнеме со уметност и музика, во одличен театар, со тоа што ќе ја поканиме природата“, рече тој во салата која датира од 19 век и е една од најголемите оперски куќи во Европа.

По концертот, кој се емитуваше во живо, речиси 2300 расадници, поставени на секое седиште, ќе бидат донирани на здравствените работници во првите редови. Квартетот ја свиреше „Хризантема“ на италијанскиот композитор Џакомо Пучини.

Од институцијата се надеваат дека со шоуто ќе ја потврдат вредноста на уметноста, музиката и природата и ќе послужи како патоказ за враќање во нормална активност по пандемијата. Шпанија е една од нациите погодени од пандемијата на Ковид-19 со 28.323 смртни случаи и 246.227 случаи досега.