Стартапот Boom Supersonic од Денвер, САД, објави дека на 7 октомври ќе го претстави прототипот XB-1, односно новиот суперсоничен комерцијален авион Overture, а тест-летовите ќе почнат во 2021 година.
„Тоа ќе овозможи да се отвори патот за првиот комерцијален суперсоничен лет откако беше пензиониран легендарниот Concorde 2003. XB-1 е првиот чекор кон враќањето на суперсоничните патувања во светот“, изјави основачот и директор на Вoom Supersonic, Блејк Шол.
Летовите со двојно поголема брзина значат дека ќе можеме да патуваме дупло подалеку, односно тоа ќе ни приближи нови луѓе нови места и нови култури. Според Boom, прототипот XB-1 треба да го покаже и докаже квалитетот на клучната технологија на Overture, односно конструкцијата од композит на јагленски влакна и компјутрерски оптимизирана високоефикасна аеродинамика.
Компанијата објави и фотографии од експерименталниот авион во хангар опишан како најбрз во историјата на приватно развиените авиони. „Побрзите патувања ќе ни овозможат да ги искусиме нациите од целиот свет, од различни култури и места. Со прототипот XB-1 покажуваме дека сме подготвени да се вратиме на суперсоничните летови и да се осигураме дека суперсоничната иднина ќе биде сигурна, прифатлива за околината и економски одржлива“, додава Шол.
Според него, побарувачката за суперсонични производи расте побргу отколку што очекувале. Пред пандемијата Boom имал најмалку 6 милијарди долари вредни преднарaчки за авион коj чини 200 милиони долари, а меѓу купувачите биле и Virgin Group, кои во компанијата инвестирале 10 милиони долари во 2017 година.
Overture може да прифати од 55 до 75 луѓе, а со патнички летови треба да почне во 2030 година, примарно прекуокеански летови на кои може да се искористи неговата брзина од 2,2 маха. Авионот е дизајниран со помош на најновите технологии за намалување на бучаватa и суперсоничнa брзина.
(Bizlife)
(фото: )
